Элизабет Гилберт

Элизабет Гилберт гэж хэн бэ? Элизабет Гилберт (1969 оны долдугаар сарын 18-нд төрсөн) бол Америкийн сэтгүүлч, зохиолч юм. Тэрээр 2006 онд бичсэн "Ид, залбир, хайрла" дурсамж номоороо алдартай бөгөөд 12 сая гаруй хувь борлогдож, дэлхийн 30 гаруй хэл дээр орчуулагджээ. Уг номыг мөн 2010 онд ижил нэртэй кино болгон бүтээжээ. Гилбертийн анхны ном болох Мөргөлчид (Houghton Mifflin 1997) богино өгүүллэгийн түүвэр нь Pushcart Prize шагналыг авч, PEN/Hemingway Award-ын эцсийн шатанд шалгарсан. Үүний дараа түүний "Хатуу эрчүүд" (Houghton Mifflin 2000) роман нь "Нью-Йорк Таймс"-аас "Онцлох ном"-оор шалгарчээ. 2002 онд тэрээр "Сүүлчийн Америк эр" (2002) номоо хэвлүүлсэн бөгөөд энэ нь зөгнөлт бус төрөлд Үндэсний номын шагналд нэр дэвшсэн юм. Түүний бүтээлүүд: "Мөргөлчид", "Хатуу эрчүүд", "Охидын хот", "Сүүлчийн Америк эр"," Ид, залбир, хайрла: Итали, Энэтхэг, Индонез даяар бүх зүйлийг хайж буй нэг эмэгтэй" гэх зэрэг номуудыг бичжээ.